Во на эз коль, кыдзи юрсиктын воссис выль сад, а воспитательяс да велöдысьяс велöдчисны нин, мед уджавны выль ногöн. Велöдны эм став коланаыс: интерактивнöй пызанъяс да пöвъяс, компьютеръяс, мультимедийнöй проектор да с.в. Танi öкмыс воспитатель кындзи эмöсь логопед, психолог, музыка да физкультура велöдысьяс, старшöй воспитатель, содтöд тöдöмлунъяс сетысь.
Садлöн эм сайт, кытысь позьö тöдмавны сад да быдлунъя олöм йылысь. Сэтчö пыралöмöн бать-мам тöдöны, кыдзи олöны челядьныс, велöдöны тшöтш гортас.

-Уджалысьяс пыр велöдчöны да матö ставныс петкöдчöны Россияса конкурсъясын да вермöны, мый ышöдö корсьысьны водзö. Выль ногöн уджавсьö кокниа, челядь велöдчöны окотапырысь да бать-мамлы воö сьöлöм вылыс, — пасйис öтиöд номера садйöн веськöдлысь Светланв Егоровна Уляшёва.
Гижöд да снимок Марина Дадашовалöн.