Вöр-ва тöдöм кузя ордйысьöм вылö март 23 лунö Кулöмдiнса «Нюм» садйö чукöртлiсны районса челядьöс Кулöмдiнса, Помöсдiнса, Югыдъягса, Кебанъёльса да Ярашъюса садъясысь, волiсны 24-öн.
Колiс висьтавны вöр-ва да сэнi асьтö видзöм, пемöсъяс да быдмöгъяс, сёян да юан йылысь, тöдны Гöрд книгаö пасйöмторъяс.
Вермис «Нюм» садйысь «Эколята» котыр, кöнi воспитательясыс О.В.Напалкова да Г.Н.Тарабукина. Мöдöн лоис медводдза садйысь «Родничок» котыр, кöнi воспитательыс Т.Н.Уляшева. Коймöдöн петiс Кулöмдiнса сизимöд садйысь «Вöр-валöн ёртъяс» котыр. Воспитательыс С.Е.Рассыхаева.
«Вöр» юкöнын медводдзаöн лоис Кулöмдiнса «Нюм» садйысь Ксения Липина, мöдöн медводдза садйысь Полина Савицкайте, коймöдöн мöдöд садйысь Александр Вахмянин.
«Видз» юкöнын медводдзаöн лоис Кулöмдiнса «Нюм» садйысь Любовь Логунова, мöдöн Кебанъёльса «Мойд» садйысь Алисия Шадрина, коймöдöн медводдза садйысь Таисья Уляшева.
«Ю-ты» юкöнын медбура петкöдчис медводдза садйысь Никита Мартюшев, мöдöн лоис сизимöд садйысь Полина Гичева да коймöдöн «Нюм» садйысь Арсений Гурьев.
Зэв аслыспöлöса петкöдчис «Нюм» садйын шылад велöдысь Е.Н.Субоч. Содтöд тöдöмлунъяс сетысь О.И.Вертеленко велöдiс воспитательясöс вöчны шöртысь лэбачьясöс.
Вермысьяс апрель 26 лунö мунасны Сыктывкарö республикаса тшупöда вермасьöм вылö.
Велöдан управление.
Снимок вылын: вермысьяс.