Кулöмдiнса, Помöсдiнса, Немдiнса, Зимстанса да Керчомъяса школаясын мунiс муниципалитетса тшупöд вылын 19 предмет кузя челядьлöн ставроссияса олимпиада. 13 шöр да 6 медшöр велöдчанiнысь петкöдчис 733 велöдчысь. Вермысьясöн лоисны 72-öн, а 136-öн — мöдöн да коймöдöн.
Бурджыка петкöдчисны Зимстанысь 7 классысь Любовь Лодыгина, Кулöмдiнысь 8 классысь Аурика Селезнева, Ягкöджысь 9 классысь Надежда Тарасова.
Школаяс лыдын медбуръясöн лоисны Кулöмдiнса, Помöсдiнса, Кебанъёльса, Ярашъюса, Дiасёръяса, Шöръягса, Ягкöджса.
Январ 11 лунсянь февраль 20 лунöдз республикалöн тшупöдын ордйысисны муниципалитетлöн тшупöдын медбура петкöдчысьяс. Миян районысь 9-11 классъясысь ветлiс сизим школаысь 24 велöдчысь. Ныв-зон бура петкöдчисны нёль предметысь. ОБЖ-ысь да технологияысь лоисны медводдзаясöн, а литератураысь да вöр-ваысь буръяс лыдын.
Кебанъёльысь 11 класса велöдчысь Виктория Ключко коймöд во петкöдчис технологияысь, кык во вöлi буръяс лыдын, а таво вермис. Велöдысьыс Надежда Борисовна Горшкова. Немдiнысь 11 класса велöдчысь Пётр Карманов мöдöд во петкöдчис ОБЖ-ысь, кольöм воын вöлi коймöдöн, таво вермис. Велöдысьыс Владимир Георгиевич Шешуков.
Пожöгысь 10 класса велöдчысь Ксения Романова лоис мöдöн экологияысь. Велöдысьыс Ольга Михайловна Мартюшева. Кебанъёльысь 11 класса велöдчысь Мария Дикуль лоис коймöдöн литератураысь. Велöдысьыс Галина Ивановна Игнатова. Кулöмдiнысь 11 класса велöдчысь Екатерина Нестерова лоис витöдöн литератураысь. Велöдысьыс Ольга Васильевна Ульнырова.
Велöдан управление.
Снимокъяс вылын: Виктория Ключко, Пётр Карманов,
Ксения Романова.