— Район бура бергöдчö сьöмöн. Локтан воын чиныштас районса кудйö сьöм воöм, но сiйö оз тöдчы районлöн олöм вылö, — висьталiс районса сьöм управлениеысь бюджет кузя овмöдчöминъяскöд уджалан юкöнöн веськöдлысь Валентина Николаевна Шахова.

Овмöдчöминъясса бухгалтерияяс юкöнлы водзвыв висьталöны, уна-ö налы воас сьöм муысь да му кöртымалöмысь, эмбурысь да эмбур вузалöмысь, удждонысь да мукöдторйысь вештöм вотысь. Ставсö босьтöмöн юкöн арталö, мында сьöм воас районса бюджетö, öткодялö воддза вояскöд, сы серти висьталö, кутшöмöн лоас локтан во, лöсьöдö рöскод. Унджык сьöм воас — унджык и веськöдасны районлы, юкасны овмöдчöминъяслы.
Валентина Николаевна помалiс потребительскöй кооперациялысь Москваса университет. Бухгалтералiс сизим во. Сьöм управлениеын вит во. Медводз вöлi делопроизводительöн, куим во веськöдлö юкöнöн. Уджыс сьöлöм сертиыс. Бур уджысь почёт грамотаöн пасйисны районса администрация да республикаса сьöм овмöс министерство.
Гижöд да снимок Марина Дадашовалöн