Октябрсянь апрель шöрöдз лесничестволöн Кулöмдiнса юкöнын лоас пöсь да кывкутана кад.
— Миян тöвся вöр делянкаяс. Вöр юкöнъяс сеталам вöр заптысьяслы, олысьяслы, кодъяс вöр босьтöны керкаяс, мукöдтор кыпöдöм да дзоньталöм вылö, пес вылö. Видзöдам, мед вöрö оз пырны билеттöг, пöрöдчöм бöрын мед ас бöрся весалiсны лöп-ёг, колисны инъяссö сöстöмöн. Вöр — миян озырлун, и сiйöс колö видзны, тöждысьны, — висьталiс лесничестволöн Кулöмдiнса юкöнысь вöр видзöм кузя государственнöй инспектор, вöр овмöсöн веськöдлысьлы отсасьысь Любовь Борисовна Липина, кодi Коми муö воис 1983 воын. Кыскис ас чужанiнас Василий Кимович верöсыс, кодкöд öтлаын велöдчис Киров обласьтса Советск карын Суводскöй вöр техникумын. Öтлаын жö и уджалöны, верöс веськöдлö, ань сылöн отсасьысь.
Любовь Борисовналысь уна вося бур уджсö унаысь донъявлiсны почёт грамотаясöн, пасйисны вöр овмöсын уджалысьяслöн республикаса профсоюзлöн комитетсянь, вöр овмöслöн федерацияса агентствосянь да с.в.
Гижöд да снимок
Марина Дадашовалöн.