Октябрын-ноябрын районын сеталiсны волöн джынйын петкöдчöм серти ГТО-лысь зарни пасъяс да на дорö удостоверениеяс. 
Асланыс арлыд серти зарни пас вичмис Шöръягса, Озъягса, Помöсдiнса, Пожöгса, Кулöмдiнса, Ручса, Югыдъягса, Ярашъюса, Керчомъяса, Кебанъёльса 45 велöдчысьлы. Сетiсны школаясын чукöртчылiгöн да районса гажъяс вылын. 
— Меным сетiсны нин мöдöд зарни пас, — висьталiс Пётр Третьяков. — Колö радейтны спорт да ёнмöдчыны, мунны öтарö водзö да шедöдны вермöмъяс. 
Пасъям, мый 2015 восянь тавося во джын кежлö ассьыныс вын видлiс районысь 1500 морт, на пиысь зарни пас шедöдiсны 500-ысь унджыкöн. 
Спорт шöрин. 
Снимок вылын: «зарниöн» пасйöмъяс.