Медводдза классö — некутшöм мытшöдтöг

[ A+ ] /[ A- ]

Коми республикаса велöдан министерство нöшта öтчыд юöртö, мый вежсисны челядьöс медводдза классö гижöдан правилöяс.
Закон серти, 2013 восянь быд школа йитчö кутшöмкö микрорайонкöд. Сэнi олысь челядьöс медводдза классö гижöдöм пансяс 2013 вося март 1 лунö да помасяс 2013 вося июль 31-öд лунысь оз сёрöнджык. Мукöд микрорайонын олысь челядьöс кутасны гижöдны 2013 вося август 1 лунсянь, кытчöдз оз тырны классъяс, гижöдны дугдасны сентябр 5-öд лунысь оз сёрöнджык.
«Некутшöм шызьöм, медводз бать-мамсянь, кагаöс медводдза классö гижöдiгöн оз вермы лоны. Российскöй Федерациялöн Конституция да велöдöм кузя законодательство серти, государстволöн мог — быд гражданинлы сетны öтувъя образование. Тайö висьталö, мый медводдза классö мунысь ни öти велöдчысь оз коль бокö, ставнысö босьтасны школаö», — шуис республикаса велöдан министр Владимир Шарков.
Школаö примитöм кузя колана документъяс мед вöлiны районса администрациялöн да школаяслöн сайтъяс вылын. Сэнi жö позьö тöдмасьны, кутшöм микрорайон кутшöм школа бердö йитчö. Медым гижöдны кагаöс школаö, бать-мамлы либö кагалöн представительлы колi локны аслас документöн (паспортöн) да гижöдны шыöдчöм. Кагаöс, кодлöн эм тыр право велöдчыны тайö школаын, вермасны бöрыньтны медводдза классö босьтöмысь сöмын öти помка вöсна — абу кö школаын места, классъяс кö тырöсь нин. Сэки сiйö кутас велöдчыны мöд школаын. Медым веськавны мöдлаö, бать-мамлы колö шыöдчыны велöдан управлениеö.
В.Шарков сiдзжö пасйис, мый медводдза классö пырысьясöс колö босьтны некутшöм экзаментöг. Экзаменъяс вермасны лоны сöмын сэнi, кöнi велöдчöны спортын да искусствоын енбиа челядь.
Коми республикаса юралысьлöн
да правительстволöн пресс-служба

Комментарии:

Добавить комментарий

Свежий выпуск: за 2 апреля