Зимстанса медсестра

[ A+ ] /[ A- ]

— Ассьым уджöс зэв ёна радейта. Сытöг олöмöс ог чайт, — висьталiс Зимстанса бурдöдчанiнысь медсестра Зоя Борисовна Попова, кодi уджалö танi больнича воссьöмсянь, комын сайö во. Сыöдз юркарса медучилище помалöм бöрын уджыштiс республикаса больничаын.
Карысь локтiсны верöсыскöд, том специалистъяслы вичмöдiсны оланiн. 20 во сайын гозъя асьныс кыпöдiсны керка. Быдтiсны ныла-пиаöс, кодъяс разöдчисны нин, петiсны асшöр олöмö. Талун Зоя Борисовна уджалö шонтысян жырйын, нöшта кутö аптека. Колiгöн вежö уколасянiнысь уджалысьöс. Некор оз артась уджöн, окотапырысь босьтö ас вылас содтöд могъяс.
Верöсыскöд кутöны ыджыд овмöс: 30 во чöж нин быд во видзöны 2-3 öш. Ыджыд рöдвужöн пö яйыд колö. Тöждысьö оз сöмын йöзлöн, но аслас дзоньвидзалун вöсна. Удж бöрын тöлын быд лун котралö лыжöн, гожöмын журъялö велосипедöн. Таö туйдiс челядьсö, öнi кöсйö велöдны и нёль арöса внуксö.DSC02511

Комментарии:

Добавить комментарий

Свежий выпуск: 28 марта

Осторожно — мошенники!