Районса администрацияысь культура да национальнöй туйвизь юкöнысь районса методическöй шöринöн да «Июль» котырöн веськöдлысь Л.В.Яснецова январ сизимöд лунсянь уджалö Российскöй Федерацияысь пытшкöсса делöяслöн районса юкöнын. Тайö чуймöдiс найöс, кодъяс вылö донъялöны Людмила Васильевналысь сьылан сямсö да нималана «Июль» котырсö.
— Ме ичöтсянь радейтi сьывны, — висьталiс Л.В.Яснецова. — Кулöмдöнса шöр школаын велöдчигöн корлiсны весиг «Эжваса дзоридзьяс» хорö. Снимайтчи и «Ой, олöм, олöм!» телевизионнöй фильмын. Школа помалöм бöрын велöдчи культура колледжын. Öттшöтш телевидение вылын нуöдi коми кыв вылын передачаяс. Велöдчöм бöрын кольöдiсны уджавны, но петi верöс сайö да локтi чужан сиктö. Вит во уджалi районса методическöй шöринын, 2009 воын лöсьöдi «Июль» котыр. Öнi уджысь орöдчытöг велöдча Коми пединститутын. Кöсъя лоны велöдысьöн да психологöн. Гожöмнас сдайта государственнöй экзаменъяс да доръя диплом. Та вöсна и вежи уджöс. Выльлаын вочаалiсны зэв бура. Таысь сьöлöм вылын долыд. Менам веськöдлысь Л.В.Игнатова отсалö быдногыс.
Людмила Васильевна кöть и вежис уджсö, но, та вылö видзöдтöг, аслас «Июль» котырöн кöсйö водзö гажöдны районса да республикаса олысьясöс.
Гижöд да снимок
Николай ЛЮТОЕВЛÖН