Егор Притоцкий йылысь «Парма гор» газет гиж-лiс нин гоз-мöдысь. Сiйö чужис да быдмис Кулöм-дiнын. 5-öд классын велöдчигöн семьяыс вуджис овны Сыктывдiн районса Зеленечö. Сэнi жö по-малiс шöр школа. Зарни медальöдз эзджык во, но та вöсна эз шогав. Куим во Коми пединститут бердын физика-математика лицейын велöдчöм сетiс бур тöдöмлунъяс. Со кыдзи казьтылö Егор ассьыс велöдчöмсö: 
— Кыдзи вежöрта ачымöс, вöлi век зэв окота ве-лöд-чыны, тöдмавны пыр унджык выльтор. Меным бать-мам некор эз индывлыны вöчны горт-са удж, нимкодьпырысь ачым пуксьывлi рытъ-яснас велöдчан книгаяс сайö. Зеленечын велöд-чигöн математикаысь, физикаысь да информа-тикаысь век вöчлi содтöд сетöмторъяс. Гырысь-джык классъясын пыри лицейö. Ме вöлi зэв шу-даöн, сы вöсна мый веськалi зэв бур велöдысь-яслöн киясö. Ме эг пöтлы велöдчöмысь, сэтшöм ёна ставыс воис сьöлöм вылö. Висьтала öнiя быд-мысь ныв-зонлы: эм кö кöсйöм, быть пырöй ли-цейö. Сэнi тi босьтанныд зумыд тöдöмлунъяс, кодъ-яс отсаласны пырны странаса медбур вузъясö. 
Лицейын велöдчигöн Егор пырöдчис ставрос-сияса «Аскиалунö воськов» олимпиадаö, кодöс нуöдiс Н.Э.Бауман нима Москваса государст-вен-нöй техническöй университет, да лоис коймöдöн. Школа помалiгкежлö сы водзын воссис паськыд туй. Кöсйис кö, кокниа эськö пырис велöдчыны Бауманкаö, но гöгöрвоис, мый Москваын этша сьöмöн велöдчыны лоас зэв сьöкыд. Бöрйис Вла-димирса госуниверситетлысь прикладнöй матема-тика, физика да информатика кузя факультет. Сэнi олiс рöдвужыс, кодi ёна отсалiс Егорлы велöдчигас. 
— Миян зэв топыд йитöдъяс ас вуж костын. Эз кö вöв насянь отсöг, ог тöд, кыдзи эськö водзö мунiс олöмöй, — висьталiс Егор. — Асьтö кылан ён-öн, зумыда сулалан кок йылад нöшта на сы вöсна, мый тэнад мышку сайын рöдвуж, и тöдан, мый колiгöн найö нюжöдасны отсöга ки. 
Университетын велöдiс нанотехнологияяс, сэсся помалiс лазернöй технологияяс кузя магист-ратура. Öнi уджалö и велöдчö аспирантураын, гижö «Создание оптических прицелов для ла-зерных приборов» диссертация. Помалöм бöрын Егорлöн лоас «преподаватель-исследователь» специ-альносьт, сiйö вермас велöдны вузъясын. 
Öнi Егор уджалö Владимир обласьтса Радуж-ноеын. Тайö сиптöса кар, кодi чужлiс 1971 воын буретш лазеръяс туялöм могысь. Коркö шусьылiс Владимир-30-öн. Кыдзи том учёнöй, ёна ветлöдлö быдсяма конференцияяс, симпозиумъяс, тшöтш и мирса тшупöдаяс, вылö. Туясьö да йöзöдчö наукалöн журналъясын. Гöтырыс сiдзжö том учёнöй, гозъя уджалöны öтлаын. 
Кыдзи висьталiс Егор, государство сетö наука сöвмöдöмлы ыджыд тöдчанлун: вичмöдö туясьысь-яслы стипендияяс, кыдзи правительстволысь, сiдзи и президентлысь, эм позянлун шедöдны ыджыд грантъяс. Егорлы сiдзжö вичмöдiсны «Надежда земли Владмирской» ним, кодöс Вла-димир обласьтын сетöны медбур том йöзлы. 
— Меным зэв воö сьöлöм вылö Владимир обласьт и Владимир карыс. Сэнi олö 450 сюрс гöгöр морт. Карыс абу ыджыд, но зэв мича, кыдзи и облась-тыс. Орччöн, позьö шуны, Суздаль, Гусь-Хрус-таль-ный — важся роч каръяс. Эм кытчö ветлыны да мый видзöдлыны. Москва эськö абу жö ылын, кыдзи Кулöмдiнсянь Сыктывкар, но сэтчö ветла сöмын конференцияяс вылö, шойччыны — ог. Сiйö вывтi ыджыд, позьö шуны, менлы вылö «сьöкыд» кар, — водзö сёрнитiс Егор. — Ог вунöд чужанiнöс, вола быд во. Танi менам мам, вок, пöч, уна рöд-вуж. Менам быдмö сизим тöлысся пи, и сiйö быть кутас тöдны, кытысь батьыслöн вужйыс. Быд-мыштас да, петкöдла сылы чужанiнлысь мич-лунъяс, велöда вотны тшак. 
Юалi, кутшöмöн колö лоны мортлы, мед лоны учёнöйöн. 
— Колö лоны зэв кывкутысьöн, водзмöстчысьöн, нырччысьöн, быдтор тöдны кöсйысьöн. Мед тэнö эз тойлавны мышкад, а тэ ачыд зiлин велöдчыны, корсьысьны. Мукöддырйи быттьö стенмö люка-сян, но выльысь и выльысь зiлян мунны сы пыр. Овлö, и кымöстö поткöдан, но сувтны оз ков. Век колö корсьны петан туй: оз кö артмы весь-кыда, ковмылö и кытшовтны, — висьталiс Егор. — И медся тöдчанаторъяс пиысь — ас вужкöд топыд йитöдъяс да налысь зумыд пельпом кылöм. 
Сиам Егорлы шедöдны ыджыд вермöмъяс. Код тöдас, колöкö, лоас Нобельлысь премия шедö-дысьöн? 
Лидия ЛИПИНА. 
Егор ПРИТОЦКИЙЛÖН чукöртöмысь: Клязьмаын том учёнöйяслöн 
да специалистъяслöн «Территория смыслов» ставроссияса чукöртчылöм вылын.