Би пыр и ва пыр 
Июль 20-öд лунö 95 арöс пасйис Лопъювадысь Евгения Артуровна Ивашнёва. Чужлiс 1923-öд вося июнь 16-öд лунö, но документъясын гижис-ны сёрöнджык. Ыджыд тшупöдöн Евгения Ар-туров-наöс чолöмалiсны матыссаяс да рöдвуж. Рос-сияса президент В.В.Путинсянь чолöмалан гижöд вайис районса администрацияöн веськöдлысьöс вежысь Н.А.Чаланова. 
Евгения Артуровна аслас кузь олöмын вуджис би пыр и ва пыр. Матыссаяслöн да дзоля вокъ-яслöн кулöм, вöрын сьöкыдсьыс-сьöкыд удж, тшыгъя-лöм и кынмалöм- ставыс вöлi Евгениялöн олöмын, но нывбаба колис шаньöн, сьöлöмыс эз чорзьы сьöкыдлунъясысь. Сiйö чужлiс Украина-ын, Житомир областьса Корестен районлöн Весе-ловка сиктын. Бать-мамыслöн вöлi ён овмöс. Нывкалы вöлi 12 арöс, кор семьясö «нетшыш-тiсны» шуда позйысь да нуисны Карелияö, 1941-öд воын — Комиö. 
Лопъювад лоис Евгения Артуровналы мöд гортöн. Петiс верöс сайö, чужтiс челядьöс. Öнi сiйö озыр внук-правнукъясöн, эмöсь нин и -праправнукъяс. Найö пыдди пуктöны да ёна радей-тöны пöчнысö. 
Тöдчана лунöн Евгения Артуровнаöс чолöмалiс олöма йöзлöн Лопъювадса котыр, да зэв аслыс-пöлöса: найö лöсьöдöмаöсь да лыддисны Е.А.Иваш—нёвалöн олöм йылысь кывбура гижöд. 
Евгения Артуровналöн вежöрын ставыс, мый сыкöд вöлi. Сiйö тöдö да сёрнитö роч, коми, немеч да украинскöй кывъяс вылын, сылöн ясыд вежöр да шань сьöлöм. 
Лидия ЛИПИНА. 
Снимок Лопъювадысь олöма йöза котырлöн.