Февральын почталöн федерацияса управление вичмöдiс Кулöмдiнса почталы кык выль машина.
Найöс сетiсны Евгений Иванович Нестеровлы да Виктор Леонидович Шурдуклы. Пасъям, Кулöмдiнса почта, Кöрткерöс район босьтöмöн, республикаын могмöдö медся уна, 100 сайö сикт-грезд, районын — 60 гöгöр. Талун Кулöмдiнса почталöн 6 машина. Тулысын йи кылалiгöн, кор вештасны посъяс, кык машина вуджöдасны Эжвалöн мöдлапöлö Тимшерö да Югыдъягö.