Кулöмдiнысь мыждан участокса мирöвöй судья О.А.Жиганова видлалiс торъя ногöн уголовнöй делöлысь материалъяс да тöдмалiс, мый суд улö сюрöм морт веськöдлiс машинаöн код юрöн, кöть эськö туйвывса правилöяс дзугöмысь да код юр тöдмалöм могысь видлöдчыны мунтöмысь сiйöс штрапуйтлiсны 30 сюрс шайт вылö, босьтлiсны правосö воöн-джынйöн кежлö да кадыс эз на помась (тайö мыждöмсö вынсьöдлiс районъяскостса Шойнатыса мыждан участок).
Судын тайö мортыс лыддис асьсö мыжаöн, каитчис. Тайöс да мукöд кокньöданторъяс тöдвылö босьтöмöн суд шуис тайö мортсö мыжаöн да тшöктiс быть уджавны 180 час. Таысь кындзи, сылы оз позь веськöдлыны транспортöн кык во да квайт тöлысь.
Кулöмдiнысь мыждан участокса мирöвöй судья О.А.Жиганова видлалiс административнöй мыж вöчöм кузя делö да тöдмалiс, мый 2018 волöн январ 14 лунся 1 час 22 минутын морт веськöдлiс машинаöн код юрöн, мыйöн торкис туй вывтi ветлöм кузя урчитöмторъяс.
Судын тайö мортыс лыддис асьсьö мыжаöн да каитчис. Мирöвöй судья урчитiс вештыны 30 сюрс шайт штрап. Водительлы оз позь пуксьыны руль сайö во да квайт тöлысь.
Кулöмдiнысь мыждан участокса мирöвöй судья О.А.Жиганова видлалiс административнöй мыж вöчöм кузя делö да тöдмалiс, мый 2018 волöн январ 5 лунся 22 час 8 минутын морт, кöть и тöдчис, мый юöма, эз мун видлöдчыны код юр тöдмалöм могысь да тайöн торкис туй вывтi ветлöм кузя урчитöмторъяс.
Судын тайö мортыс лыддис асьсö мыжаöн да каитчис. Мирöвöй судья урчитiс вештыны 30 сюрс шайт штрап. Водительлы оз позь пуксьыны руль сайö во да квайт тöлысь.
Мирöвöй судлöн урчитöмторъяс серти.