В.А.Савинлöн чужан лун кежлö Ручса клубын петкöдлiм нималана гижысьлöн «Инасьтöм лов» пьеса серти петкöдчöм. Ворсiсны Е.Адамова (поп), Е.Расова (дяк), М.Расова (Марпа), К.Есева (нылук), М.Нестерова (андел), З.Гуляева (омöль), А. да Л.Поповаяс, Е.Ульнырова (адын грека ловъясöс пöртъясын сотысьяс), И.Попов (Сюзь Матвей). Залын пукалысьяс ёна сералiсны, кекöначисны, аттьöалiсны ворсысьясöс. Петкöдчöм водзын сёрнитiс коми кыв велöдысь Д.А.Гребенюк, кодi висьталiс Коми театрлы подув пуктысь Нёбдiнса Виттор йылысь, казьтыштiс сылысь уджъяссö. В.А.Савинлöн гижöдъяс öнöдз шонтöны сьöлöмъяс. 
Снимок вылын: петкöдчöмын ворсысьяс.