ДЗОНЬТАЛАСНЫ ВЫЛЬЫСЬ

[ A+ ] /[ A- ]

Кулöмдİн районын мортлысь правояс дорйöм кузя уполномоченнöй Р.Ф.Ракин юалİс районса администрациялысь, примитлİсны-ö дзонталöм бöрын официальнöя Аныб-Кулöмдİн туйлысь 12,8 — 13,8-öд километр кост да Носим ю вомöн пос.

Кыдзи юöртİс Коми республикаса туй агентство, Аныб-Кулöмдİн автомобильнöй туй дзоньталİсны Керöс сиктö пыранİнсянь Кулöмдİн-Керчомъя-Гайны туйлöн 12,8-13,8-öд километр юкöнын 2011-öд волöн октябр 7-30-öд лунъясö. Уджъяс помасьöм бöрын туй дзоньталöм йылысь кывкöртöд кырымалİсны 2011-öд волöн ноябр 1-öд лунö.

2012-öд волöн апрель 19-öд лунö Коми республикаын «Туйяс бöрся дöзьöритысь котырса» специалистъяс волİсны видзöдлыны, кутшöм тырмытöмторъяс тыдовтчисны кад кольöм бöрын да мый колö вöчны, медым бырöдны найöс. Туй косьмöм бöрын тайö юкöнсö бара дзоньталасны. Уджъяс мунасны администрациялöн дöзьöр улын.

Носим ю вомöн пос лоö Коми республикалöн, сы вöсна кывкутö туй агентство, баланс вылö босьтİсны 1994-öд волöн июнь 1-öд лунö. Коми республикаса туй агентство 2012-öд воын шуис сувтöдны сэнİ кöрт мытшöдъяс да туйвыв пасъяс.

«Кулöмдİн» муниципальнöй районса юралысь —

районса администрацияöн веськöдлысь Д.А.Шатохин.


Комментарии:

Комментарии запрещены.

Свежий выпуск: за 6 декабря