ЭСКÖМ

[ A+ ] /[ A- ]

Нелямын витöдын юргис Победа,

Немечыс миянöс рабöн эз вöч.

Уна и лов помысь сiйö сэк шедiс,

Лыдпасыс öнiöдз абу на стöч.

 

Колiс — и пуктiсны тышъясын юръяс,

Колiс — и мырсис тшыг кынöмöн сикт.

Дерт, и предательыс унакодь сюрис —

Медся нин омöльсьыс омöльыс дзик.

 

Öнi зэв майшöдлысь гöвкъялö кадыс,

Пытшкöссянь кисьтöны вель нин öд дыр.

Мыйсö оз вöч вемтöм быдсяма гадыс,

Медым ас олöмысь бергöдiм ныр.

 

На серти, аньтуйтöм вöлöма Сталин,

Гитлерыс вермис кö вöлi пö бур.

Кöсйöны, вöлi мед власьт дорын Каин,

Сталин ни Жуков мед сэсся эз сюр.

 

Сöмын век вермысьöн вöлi Россия,

Асьсö быд кöинлы йирны оз сет.

Чайта да, лоас на вежöрным миян,

Воддза моз мирын ми нималiм мед!

Василий Лодыгин.


Комментарии:

Комментарии запрещены.

Свежий выпуск: за 18 января