Кыдзкö вермис сiдзи лоны,
Эм и тöдтöм мый салдат,
Кодлöн биасьöм нёль вонас
Ёртöн вöлi автомат.

Усьöмъясöс корсялöны
Öнi на со тась и сэсь.
Сöмын лы и сюрö öнi,
Медальонъяс гежöдöсь.

Кодi мыжа, ёна мыжа,
Бура тöдтöгыд он шу.
Сiйö бур, мый вира тышас
Аснас колис чужан му.

Та дыранад, дерт, оз во нин
Некод сэсь, кöн вöлi ад.
Кыдзи вермис сiдзи лоны,
Эм и тöдтöм мый салдат?

Василий ЛОДЫГИН.