Анна Алексеевна Блинова чужис 1932-öд вося январ 15-öд лунö Пивъюын. Бать-мамсö войвылö ыстылiсны Саратов обласьтысь сы вöсна, мый налöн кык семья вылö вöлi трактор, да лыддьысисны озыръясöн. Тшыгъялöмысла батьыс кувсис во мысти, да мамыс öтнас лэптiс челядьсö.
Анна Алексеевна казьтылö сьöкыд челядьдырсö, кор век вöлi окота сёйны, эз тырмы кöм-пась, олiсны кöдзыд баракъясын. Кöть и вöлiны гöльöсь, йöз отсасисны öта-мöдныслы, олiсны ёртасьöмöн, гажöдчылiсны öтув.
Ань водз босьтчис лысьтысьны, дас арöсын отсасис нин кохозлы, тöвнас астшöтшъяясыскöд бöрйисны картупель, гожöмын йирсьöдiсны скöтöс, вотчисны, бергöдiсны и овмöс гортын. Велöдчис токарö да 30 воысь дырджык уджалiс Кулöмдiнса леспромхозлöн Кужса лесопунктын, ставнас зiлис 47 во. Уна вося бур уджысь да урчитöмторъяс вевтыртöмысь пасйылiсны юбилейнöй медальясöн, почёт грамотаясöн да аттьöалан гижöдъясöн. Социалистическöй ордйысьöмын вермысь да отличник, уджвывса ветеран.
Верöсыскöд шудаа олiс 50 во, чужтiсны да ас олöмö петкöдiсны нёль челядьöс. Анна Алексеевна олö Владимир пиыслöн семьяыскöд, кöнi сiйöс кытшалöны ыджыд тöждöн, пыдди пуктöмöн да радейтöмöн.
Надежда Полиевская.
Снимок гижысьлöн.
Кебанъёль.