Февраль 18-22-öд лунъясö Сыкытывкарын мунiс «Том профессионалъяс» ордйысьöм, кöнi петкöдчисны эз сöмын студентъяс, но и школаын велöдчысьяс да 50 арöсысь ыджыдджыкъяс 17 туйвизь серти. Миян районысь вöлiны Ручысь Василий Нестеров, Кулöмдiнысь Анна Морохина, Дiасёръяысь Савелий Уляшев да Великопольеысь Алексей Шахов. 
Белоборскын быдмöм Регина Кусеткина лоис аслас туйвизьын медбурöн. Сылы 18 арöс, велöдчö коймöд во Сыктывкарса политехническöй техникумын, кодöс помалас таво. Белоборскын олiгöн 8-9-öд классын велöдчигöн велалiс краситны юрси да пыр могмöдiс нывъёртъяссö да рöдвужсö. Гöгöрвоис, мый артмö, да шуис водзö велöдчыны парикмахерö. Уджавны велöдчигöн дон босьттöг шырис парикмахерскöйын да асланыс техникумын. Тайö ордйысьöмö вöзйис пырöдчыны мастерыс. Медводдза лунö велöдiсны, мöд лунö тöдмасисны инструментъясöн, бöръя лунас шырисны да мичмöдiсны юрси. Региналы зэв нимкодь, мый кöкъямыс пöвстын лоис медводзын. Тайö ышöдö велöдчыны нöшта бурджыка. 
Семьянас коймöд во нин олö карын, но верöсыскöд оз вунöд чужанiнсö, гожöмъяснас пыр волö Белоборскö. 
Галина Клюжева. 
Снимок интернетысь.