Некод оз вун

[ A+ ] /[ A- ]


Во заводитчигöн районын олiс торъя категорияа 132 олöма морт, на пиысь 4 войнаса участник, öти Ленинградын блокада вуджысь, 117 тылса уджалысь, войнаса ветеранлöн семьяысь 10 морт. Победасян 75 во пасъян уджтасъяслöн план серти районса администрация сиктса администрацияяскöд да ветеранъялöн сöветъясын зiльысьяскöд öтув бöрйылiсны 46 олöмаöс, кодъяслы медъёна колiс дзоньтавны оланiнсö.


Медводз тöд вылö босьтiсны öткöн олысьясöс, кодъяслы некор на некутшöм отсöг эз вичмыв: эз сетлыны оланiн да сiйöс ньöбöм вылö сьöм, 2016-öд воын эз дзоньтавлыны оланiн. Медводз тöдмалiсны, кодлы мый колö дзоньтавны, кутшöм уджъяс та могысь котыртны да уна-ö дон сувтас ставыс. Медъёна колiс дзоньтавны керка подувъяс, дзоньтавны либö выльысь тэчны пачьяс, вежны керка вевт, выльысь вольсавны джодж, вежны важ пу öшинь рамаяс пластикысь вылö, дзоньтавны веранда, кильчö да вежны би провод. Видзöдлыны кö, бöрйисны сэтшöм уджъяс, мед найöс вöчöм бöрын олысьыслöн жырйын вöлi кос, шоныд, югыд, сöстöм да эз ков повны доймöмысь. Сiдзкö, öттшöтш жыръясын шпалеритчисны-краситчисны.
Сиктса администрацияын уджалысьяс ветеранъяслöн сöветъясöн веськöдлысьяскöд корсисны уджалысьясöс, ас кöсйöм серти отсасьысьясöс, кодъяскöд, эськö, артмис пöртны олöмö став думыштöмасö. Торйöн пасъям, мый унджык уджсö вöчисны ветеранъяслöн матыссаясыс дон босьттöг. Та вöсна торйöдöм сьöмыс тырмис содтöд 8 олöмалы дзоньтасьöм вылö. Öнi кежлö 48-лы уджъяссö вöчöма помöдз да 6-лы эштан выйын.


Паныдасьлiсны, дерт, и сьöкыдлунъяс. Медводз ылi сикт-грездö дыр эз вермыны вайны коланаторъяс. Кык овмöдчöминысь ветеранъяс тайö кадö кувсисны да налы дзоньтасьöм могысь вайöм материалсö сетiсны война кадся челядьлы.


Став уджъяссö сигöртöм бöрын лоö бурмöдöма оланiнсö 2 войнаса участниклысь, 46 тылса уджалысьлысь, 3 войнаса участниклöн дöвалысь да 3 война кадся челядьлысь.
Районса администрация.

Комментарии:

Добавить комментарий

Свежий выпуск: за 22 октября