Ода-кора тöлысьсянь моз тöлысьöдз «Йöрын-вöрын» рубрикаын вöзъям тіянлы медся бур статья, рецепт да снимокъяслысь (медыджыд либö тешкодь градвыв пуктас, тшак, вотöс йылысь) конкурс.

1. Конкурслöн могыс: тöдмасьны районса йöзкöд, кодъяс бура кужöны гижны коми кывйöн, енбиа йöзкöд, нимкодьпырысь юöртны чуйданаторъяс йылысь «Парма гор» газет пыр.
2. Конкурсыс нуöдсьö 2021-öд вося ода-кора медводдза лунсянь моз тöлысь комын öтиöд лунöдз.
3. Конкурсö позьö пырöдчыны тыр арлыда йöзлы: 18 арöссянь — олöма верстьööдз.
   4.Моз тöлысь комын öтиöд лунöдз «Парма гор» газетö колö ыстыны татшöм темаяс вылö статья:

• Вöрын либö йöрын тешкодь лоöмтор йылысь;
• Чуймöдана градвыв пуктас, тшак либö вотöс йылысь;
• Думыштöм история вöрын либö йöрын тема вылö.

1. Статья дінö корöм: гижöдлöн нимыс лöсялö статьялы, уджсö вöчöма тема серти, уджыс 1,5 — 3 лист бокысь абу унджык, А4 формата, 14 шрифта, костас 1,5 интервал, бурджык эм кö фото.
2. Шöр муртöсъяс (критерийяс):

• тöдчанлун;
• выль колана да тöдчана интереснöйтор;
• лоöмторйыс мыйöкö велöдö;
• зэв бура гижöма комиöн;
• татшöмыс эз на вöвлы.

1. Вермысьяссö индас жюри. Жюрисö котыртöма «Парма гор» газетын уджалысьяс да велöдысьяс пöвстысь.
2. Вермысьыс лоö куим: 1, 2, 3 места. Медшöр козиныс — косьтысян машина да вермысьлöн диплом. Мöд да кой-мöд местаясысь диплом да «Парма гор» газет вылö локтан во джын кежлö гижöдöм.
   Став пырöдчысьыслöн гижöдыс лоас сайт вылын. Эн дышöдчöй, ыстöй уджъястö. Ставсö йöзöдам. Сиам Тiянлы лöсьöдны бур гижöдъяс.
   Корöм.
3. ОВ, НИМ, ВИЧ
4. Конкурсö ыстöм уджыдлöн нимыс.
5. Ачыс уджыс. Видлöй лöсьöдны со татшöм серпасъяс вылö висьтъяс либö кывбуръяс.