Öнiя кадö бытовöй техникатöг некыдз. Сiйö матö быд керкаын. Оз нин ков видзны кад ва шонтöм, песласьöм вылö, кöлуйтö сюян, да бергöдлö ачыс, джодж чышкö-мыськö робот-пылесос. Майбыр! Но абу тай ставыс нэм кежлö. Техника вермас жугавны. Бур, кор эм кужысь морт, кодi регыдъя кадöн вермас дзоньтавны, лöсьöдны.

 Ярашъюысь Илья Фёдорович Морозов киподтуя морт. Кужö дзоньтавны и песласян машинаяс, и ва шонтанъяс, и ва качайтанъяс, и öнiя кадся яй шыранъяс, нöшта и пылесосъяс.
Районса йöзöс уджöн могмöдан шöринса специалистъяс отсöгöн таво гижис бизнес-бала, донъялiсны, сетiсны сьöм. Босьтiс ставсö, мый вöлi колö: груз новлöдлан кык телега, медым новлöдлыны техника; паяльник, паяльнöй станция, рузьяс вöчалан, вундалан сiдз шусяна реноватор, тиски, беспроводнöй мойка да мукöдтор.

— Нимкодь, мый тайö уджнас отсала йöзлы. Бытöвöй техникаыд öд тай абу донтöм, дзоньталан, «ловзьöдан», да уджалас дыр на. Миян районын позьö босьтчыны унаторйö на. Энö полöй, мöвпыштлöй, мый тiянлы кажитчö, мый колана тiян сикт-посёлокын, да заводитöй. Сöмын эн дышöдчы, водзмöстчы, — кывкöрталiс мужичöй…
Водзö лыддьöй октябр 18-öд лунся газетысь.
Наталья Тимушева.
Снимок Илья Морозовлöн.