Надежда Павловна Родионова ичöтсяньыс аддзис Людмила Анатольевна Липина мамыслысь уджсö. Сiйö медсестра, йöзлöн дзоньвидзалун вöсна тöждысьö 39 во нин, медводз челядьöс бурдöдан, сэсся кага чужтан, хирургия юкöнъясын, талун зiльö приёмнöй покойын. Нылыс мамыс вылö видзöдöмöн бöрйис бурдöдысьлысь жö специальносьт.
Том ныв Кулöмдiнысь. Школа помалöм бöрын мунiс Сыктывкарса медколледжö велöдчыны лаборантö. 2013–öд воын бергöдчис чужанiнö да пырис уджавны Кулöмдiнса шöр бурдöдчанiнлöн лабораторияö. Уджыштiс во, а сэсся мöвпыштiс, мый колö сöвмыны водзö да пырис велöдчыны Сыктывкарса госуниверситетлöн медицина институтö. Лоис терапевтöн, кольччис юркарö. А 2024–öд воын «Дзоньвидзалун» национальнöй балалöн «Земский доктор» программа серти мöвпыштiс локны уджавны ас районö. Öнi том бурдöдысь зiльö терапевтöн врачлöн Кебанъёльса амбулаторияын. Уджалысьяслöн котыр важöн нин виччысис том бурдöдысьöс. Кулöмдiнын сылы сетiсны куим жыръя патера. И быд асыв Надежда Павловна петö туйö…
Водзö лыддьöй октябр 31-öд лунся газетысь.
Наталья Гилева.
Снимок Надежда Родионовалöн.