Меню

Кузь нэм бур мортлы


Алексей Михайлович Поповöс Ручын тöдöны ставöн, öд 1948-öд воын чужлöм морт век олiс да уджалiс танi. Школа помалöм бöрын нёль во кежлö уйкнитлiс велöдчыны Устюгса речнöй училищеö. Гожöмнас практика вылö волывлiсны Затонö. А сiдзсö груз новлiсны быдлаö. Аддзылiс Войвыв Двина, кор Помöсдiнсянь Архангельскö колльöдiсны пур. Колiс мунны матö 28 лун. Сэсся Алексей Михайловичлы матросавны кутiс дышöдны. Кодкöд мунлiс велöдчыны, ставныс нин дугдiсны. Сэки карын воссис училище, кöнi вöлi механикö велöдан юкöн. Математика тöдiс бура, сдайтiс «5» вылö, а диктантысь босьтiс «2». Но шуис нöшта видлыны сдайтны, да вермис. Бара ковмис велöдчыны нёль во. А сэсся аддзис ассьыс Аннушкасö, Анна Ивановнаöс. Матросалiгöн вайисны груз Керчомъяö, примитiс Анна Ивановналöн батьыс. Мичаник ныв воис Алексей Михайловичлы сьöлöм вылас. А Анна Ивановна сералö: ачыс пö томиник, мича, сёрнитö сöмын рочöн, моряклöн паськöма, со и вöрзис сьöлöмöй. Груз ректiсны, и матросыд мунiс. Арнас Анна мунiс велöдчыны вузасьысьö. Бура ставсö сдайтiс да, вуджöдiсны бухгалтеръясö велöдан юкöнö. Со öд кутшöм шудыд вöлöма — аддзысисны карын. И сэсянь — мöд во лоас öтлаын олöмныслы 50 во — эз на и торйöдчывны. Лэптiсны керка, лöсьöдiсны скöт. Öти мöд бöрся чужисны кык пи да ныв. Öнi куим внук да кык внучка. Алексей Михайлович куим во уджалiс сиктсöветöн веськöдлысьöн, тайö вöлi 1977-1979-öд воясын. А сэсся 20 во механикöн совхозын да куим во мастерöн. Век олiс совхозлöн тöжд-могъясöн. Кужысь морт дiнад унаöн шыасьлiсны отсöгла. Алексей Михайлович варов, шутлив морт, татшöмъясыскöд кокни олöмад. Май 12-öд лунö, чужан лунас, ветлiм А.И.Адамовакöд Поповъясö. Анна Ивановна пусьöма-пöжасьöма: ырöша сёян, салатъяс, уткаысь шыд, черинянь, сöчöн — ставыс пызан вылын. Виччысьöны гöсьтъясöс. Воöма карсянь Саша пиыс — вöчö тшынöдöм яй, майбыр, поводдяыс сетö пукавны-гажöдчыны ывлаын. Алексей Михайлович видлалiс миянкöд альбом, висьталiс уна серамбанатор. Анна Ильинична вöлi директорöн, а Алексей Михайлович вайис совхозö ЭСТО трактор, кодöс сетiсны запчасьт вылö. Ас костаныс шуисны «танкöн». Кык лун сулалiс гараж дорын, а сэся вошис. Директор корис ставнысö: механикöс, инженерöс, бригадиръясöс и шуис: кык лун пö сета, корсьöй, а то уволита ставнытö. И сюрис öд, бöр места вылас лоис. Ёна мырсисны, но лои весь, совхоз бырис, а эз кö быр — öнi на уджалiсны, том йöзлы вöлi удж, тадз эз юны-кодавны. Алексей Михайловичлы муса вöр-ва, вотчö, кыйсьö. Миян волiгöн вöлi ёна ойдöма Эжва, дзик висъясöдзыс, Ручöдз матыстчöма. Поповъяслöн керкаыс мичаинын, гöгöр тыдалö ылöдз. Сöмын тöлын лоö писькöдчыны миртуйöдз. Челядь ставöн гöтыраöсь-котыраöсь, шонтöны сьöлöм. Сиам Алексей Михайловичлы кузь нэм да дзоньвидзалун.

Читать далее

Усть-Кулом — 17 и 18 июня.

Усть-Кулом — 17 и 18 июня.

Кылан мулысь ловшысö

Великопольелы — 300 во 

Читать далее

Роспотребнадзор предупреждает: клещи активизировались

По информации республиканского управления Роспотребнадзора, всего с начала сезона в медицинские учреждения Коми обратилось 912 пострадавших от укусов клещей, в том числе 154 ребенка.

Читать далее

Кöсъя тöдны

— Пöгибö воштіс петшöр: йöрын быдмö быд пельöсын. Уна ног видлім мынтöдчыны, но весьшöрö. Мый вöчны? 
— Петшöр — быдöнлы тöдса ёг турун. Сійö öдйö паськалö кушинын, но вермö пырны и культурнöй быдмöгъяс костö. Мынтöдчыны сыысь абу кокни, но позьö. Сылöн вужйыс паськалö öдйö да ылöдз. Та вöсна мусö пузлалöй эн зырйöн, а вилаöн: зырйöн ті вундаланныд вужсö уна пельö, и быдöнысь чеччыштас выль петшöр. Пузлалöй мусö, кöні быдмö петшöр, арнас, кынтавтöдз, мед вужйыс колис выліас. Быдмöг кö паськаліс ёна, вольсалöй сы вылö сьöд плёнка, толь либö кыза вевттьöй пилипызьöн. Арнас вевттьöд улын лоас бур му. Но сэтчö кö нинöм онö пуктöй, петшöр зэв öдйö паськалас бöр. 

Читать далее

Свежий выпуск: за 7 ноября