Асланыс «йöръясöн» петкöдчисны Скöрöдум, Вöльдiн, Дiасёръя, Бадьёльйыв. Помöсдiнсалöн вöлi куим «йöр» — шöр школалöн, олöмаяслöн сьылан котырлöн да том йöзлöн. Жюри донъялiс уна боксянь: медся мичаа вöчöм, медся чöскыд пöжаса, медбур ас киöн вöчöмторъя «йöр», а сiдзжö тöвар медбура вöзйыны кужöм, спортын да творчествоын сям петкöдлöм. Быд «йöр» дасьтiс и «Миян грездлöн гусятор» бала, кöнi колiс петкöдлыны сиктлысь аслыспöлöслун, тöдмöдны сыкöд йитчöм важся преданиеясöн.
Гран-при вичмис Помöсдiнысь том йöзлöн «Аскиа лун» «йöрлы». Жюри кывкöртiс, мый дзик быд «йöр» дасьтысьöма вывтi бура, та вöсна быдöнöс пасйис кутшöмкö шуöмын. А сэсся шöр стадион вылын мунiс концерт, кодöс сиисны Тима Веньлы чужан лунсянь 125 во тырöмлы.