Зимстанысь Владимир Николаевич Королёв биысь доръян службаын 20 во. Медводз вöлi кусöдчысьöн. Во джын мысти пуктiсны отделениеса командирöн. Öтарö велöдчис, петкöдчис ордйысьöмъясын. 2007 восянь индiсны караулса начальникöн. Техника да кусöдчысьяс вöлiны пыр дасьöсь.
2011 восянь — биысь дорйысьлöн 14 отрядысь 143 номера часьтса командирöс вежысь. Вит во сайын бур уджсö пасйисны «360 лет пожарной охраны» медальöн, таво — билы паныд сулалан да йöзöс доръян управлениелöн почёт грамотаöн.
Тулыс — биысь дорйысьяслöн да кусöдчысьяслöн пöсь кад. Йöз пелькöдöны-сöстöммöдöны öшинь ув, керка йöр, но лöп-ёг сотöны оз коланаiнын да и оз видзöдны сы бöрся. Зимстанса кусöдчысьяс тшöкыда аддзысьлöны накöд и челядькöд да сёрнитöны колана ногöн олöм йылысь.
Гижöд да снимок
МаринаДадашовалöн.