Бöръя кадö торъя военнöй операцияын служитысь салдатъяслы колöны оз сöмын саймовтчан сеткаяс, но и мукöдтор, да весиг пыжъяс. Сьöм вайöны, кодi уна вермö, стöч лыд абу. Дерт, мукöдторйыс, мый отсалö айловъяслы быд лунся олöмын, эз жö некытчö быр.

– Йöз вочасöн вайöны чай, сакар, печенньö, сукар да мукöдтор. Ми чукöртöмторсö юклам торъя мешöкъясö, либö жугавтöм пластик какао дозъясö. Кор саймовтчан сетка дась нин да колö гартлыны, лöсьöдны ыстöм вылö, сэтчö торйöн пукталам ичöтик чöскыдторъяс. Артмö дзоляник виччысьтöм козинöн. Дронъясысь саймовтчан сеткаяс кыам мöдöд во, ставнас артмис куимсё сайö сетка нин. Кысьыны, сiдз шусяна каркассö, отсалiс вöчны администрация. Сеткаяслысь кутшöмкö юкöн ыстам районса администрацияö. Нöшта уджалам «Добрая Республика» юркарса шöринкöд, сэтчö тшöтш жö ыстам вель унатор, а найö нин нуöны водзö, – панiс сёрнисö ветеранъяслöн Зимстанса котырöн веськöдлысь Елена Всеволодовна Лодыгина…
Водзö лыддьöй март 14-öд лунся газетысь.
Татьяна Чувьюрова.
Снимокъяс öтуввезйысь.