[ A+ ] /[ A- ]

Июнь 17 лун — медицинаса уджалысьлöн лун

Елизавета Николаевна Ногиева Сыктывкарса медучилище помалöм бöрын 16 во уджалiс медсестраöн хирургия юкöнын, 2004 восянь реанимация юкöнын анестезистка. Операцияöдз висьысьлы вöчö уколъяс да лöньöдö дой. Урчитöм кадö вöчö найöс и операция бöрын.

Овлö, мый удж вылö корöны сёр рытын либö войын. Операция бöрын висьысьяс вöсна лоö тöждысьны асылöдз да нöшта лунтыр уджавны. Оз тöд ни шойччан, ни праздник лунъяс, пыр дась ловзьöдны висьысьöс.

-Донын, чужанiнын, фельдшерöн уджавлiс Лидия Степановна Напалкова, код дорö висьысьяс шыöдчылiсны лун кöть вой, и быдöнлы вичмылiс отсöг. Ёртасьлiс миян семьякöд. Гашкö, сы вылö видзöдöмöн, и бöрйи тайö уджсö, кодi вывтi колана. Ми видзам да доръям мортлысь олöм да дзоньвидзалун, — висьталiс Е.Н.Ногиева.

Гижöд да снимок

Марина ДАДАШОВАЛÖН.

Комментарии:

Комментарии запрещены.

Свежий выпуск: 28 марта

Осторожно — мошенники!