Дзолльын

* Дзолльын 76 овмöс, 268 морт, на лыдын 45 пенсионер, 134 айлов, сы мында жö ань, уджвывса 15 ветеран, ыджыд арлыда нёль морт.

* Уджалö 50 морт, на пиысь 23-ыс ― чужанiнын. Уджöн могмöдан шöринын учёт вылын куим морт. 41-öн оз уджавны ни абу пасйöма.

* Школаöн веськöдлö Эмилия Григорьевна Киселёва. Сiйö да Надежда Степановна Логинова велöдöны сизим челядьöс. 15-öн велöдчöны Зимстанса шöр школаын да олöны интернатын. Таво медводдза классö пырысь абу.

* Кольöм воын чужис куим кага, кулiс öти морт. Таво некод эз чуж ни эз кув.

* Сиктысь велöдчö 14 студент, на пиысь куимыс вузъясын.

* Сад абу, школаöдзса вит челядь олöны гортас.

* Талун армияын служитöны куимöн: Руслан да Евгений Лодыгинъяс, Андрей Евсюгин.

* Кольöм воын ворсiсны öти кöлысь. Őтлаасисны Дзолльысь Василий Иванович Золотарёв да Кулöмдiнысь Галина Ивановна Нестерова.

* Том йöз уджавны ветлöны бокиö. Уна том семья, кöть найöс пасйöма Дзолльын, олöны районын да мукöдлаын.

* Сиктын ас вылö öти уджалысь ― Гелий Васильевич Логинов, кодлöн эм «Алекс» вузасянiн. «Надежда» вузасянiн эм Зимстанса предприниматель Надежда Алексеевна Носковецлöн.

* Видзöны 42 мöс да 40 кукань, 22 вöв, кроликъяс, чипанъяс, порсьяс.

* Йöзöс машинаöн новлöдлö Юрий Геннадьевич Калин.

* Библиотекаöн веськöдлö Надежда Юрьевна Осокина. Книгаясöн могмöдö и Габовса олысьясöс. Ставыс 80 лыддьысьысь. Медся ёна лыддьысьöны велöдчысьяс да уджтöмалысьяс.

* Почта вайöны выльлунö да пекничаö. Медся унаöн судзöдöны «Парма гор» газет.

* Сиктын эм ФАП. Но бурдöдысь талун кежлö абу. Ковмас кö тэрыб отсöг, корлöны Зимстанысь. Ковмас кö, сэтысь жö корлöны уполномоченнöй участкöвöйöс.

* Би сетö дизель-электростанция вит час асывсянь 12 час войöдз.

* Медся олöмаыс Анна Савватьевна Логинова, кодлы ноябрын тырас 90 арöс.

* Олöма йöз вöсна кывкутö Анастасия Ермолаевна Кочанова.

* Вöралöны-кыйсьöны Гелий Петрович, Пётр Гелиевич, Игорь Петрович Кочановъяс, Виктор Александрович Лебедев, Эдуард Витальевич, Константин Витальевич, Василий Николаевич, Николай Васильевич Логиновъяс, Эдуард Николаевич, Альберт Николаевич Габовъяс, Сергей Александрович Сальников, Николай Михайлович да Всеволод Николаевич Ковалёвъяс.

* Вöчалö додьяс, дадьяс, телегаяс, серлöдлö пу кöлуй Николай Акиндинович Сорокин. Пу кöлуй нöшта серлöдлö Алексей Владимирович Андреев.

* Ньöбисны машина Евстолий, Роберт, Гелий, Иван, Александр Логиновъяс, Олег Рудаков, Юрий Калин, Николай Ковалёв, Леонид Сорокин, Виктор Кочанов.

* Керка кыпöдiс Алексей Иванович Логиновлöн семья.

* Сиктын Роберт Селиверстович да Валентина Вениаминовна Логиновъяс котыртiсны крестьянин овмöс.

* Лишалана йöв да яй иналöны районса школаясö да садъясö.

* Сиктын спирт сора юанторъясöн гортсянь некод оз вузась. Овмöдчöминын лöсьöдiсны уджалан план, кодöс ошкисны районын. Сиктын юысь-кодалысьяс оз бöвъявны.

* Телевизор пыр петкöдлö куим программа. Унаöн ньöбисны «тасьтiяс».

* Йитчыны позьö таксофон да овмöдчöминлöн телефон пыр.

* Вöвлöм аэропортö том войтыр вöчисны футболысь ворсанiн, кöнi и коллялöны гожöмын прöст кад.

Марина ДАДАШОВА