[ A+ ] /[ A- ]

Май 15 лун — семьялöн международнöй лун

— Миян эм оланiн, муса челядь, удж. Ставсö вöчам öтув. Таын и миян шудыс, — висьталiс Кулöмдiнысь Людмила Николаевна Попова.

Верöспуыскöд тöдмасис Гöрд Затонса училищеын велöдчигöн, кöнi Михаил Иванович босьтiс пусьысь-кондитерлысь, а Людмила Николаевна ― вузасьысьлысь специальносьтъяс. Кöлысь ворсiсны верöсыслöн чужанiнын — Ручын. Öнi Михаил Иванович уджалö Кулöмдiнса нянь пöжаланiнын, а Людмила Николаевна ― коймöд номера садйын.

— Войся смена бöрын гортö локта да аддза ― гöгöр дзим-дзурк, муса гöтырöй пусьöма и пöжасьöма, — пасйис Михаил Иванович.

Даша велöдчö медводдза классын, куим арöса Юля олö гортын. Кыкнанныслы вичмö дона йöзсянь ыджыд муслун.

— Мыськалöны тасьтi-пань, киськалöны дзоридзьяс, пыр отсалöны вöчны верманасö. Некор ог бöрыньтöй, а велöдам да туйдам, — шуис Людмила Николаевна.

Комментарии:

Комментарии запрещены.

Свежий выпуск: 28 марта

Осторожно — мошенники!