Декабр 14-öд лунö Дзёль да Белоборскöдз воис сотöвöй йитöд да интернет. Районса олысьяс найöс ичöт сиктъясö интернет вайöдан программаö таво кежлö пыртöм могысь гöлöсуйтiсны кольöм воын. Гожöмнас ТЕЛЕ-2 компания сувтöдiс вышкаяс да оборудование. А выль во водзын ылi сиктын да посёлокын олысьяслы сотöвöй йитöд лöсьöдöм лои зэв бур козинöн. Öнi эм позянлун любöй кадö вöдитчыны тшöтш интернетöн.

Районын босьтчис ыджыдавны грипп. Висьöм паськалöмысь видзчысьöмöн декабр 20-öд лунсянь 26-öд лунöдз тупкысисны став йöзаинъяс: культура керкаяс, библиотекаяс, школаяс, спорт шöринъяс. Уджаласны сöмын садъяс. Выль во кежлö, оз кö нюжав карантин, гажöдчыны да ёнмöдчыны позяс водзö. Велöдчысьяслöн заводитчас тöвся каникул.