[ A+ ] /[ A- ]

Игорь Холопов олö Паспомын, велöдчö Кулöмдiн шöр школаса 8к классын. Регыд на сылы тырис дас нёль арöс. Корöм серти декабр 11-öд лунö Игорь мамыскöд ветлiсны Сыктывкарö, медым босьтны паспорт. Зонка висьталiс, мый Стефановскöй изэрд вöлi уна йöза: локтiсны став республика пасьталаысь. Недыр виччысьöм бöрын ставöн пырисны Республикаса юралысьлöн администрацияö, кöнi нуöдiсны экскурсия, висьталiсны паспортлöн артмöм йылысь, сетiсны козинъяс. С.А.Гапликов, Коми республикаса юралысь, чолöмалiс чукöртчысьясöс Конституция лунöн. Кыпыда ворсысь Россияса гимн кывзöм бöрын каръясысь да сиктъясысь воöм челядьлы Сергей Анатольевич сетiс паспорт. Игорь висьталiс, мый тайö здукö сiйöс шымыртiс радлун. Сыктывкарын Республикаса администрацияын паспорт босьтöмыс коляс зонкалöн паметяс нэм кежлö. Ачыс Игорь бура велöдчö кадетъяслöн классын. Сiйö быд во пырöдчö «Азимут» нима ориентирование кузя ордйысьöмъясö, весиг карöдз ветлiс. Висьталiс, мый школаын велöдчыны абу кокни, но колана. Быд асыв класснаныс чукöртчöны сiдз шусяна «развод» вылö, медым лоны дасьöн урокъяс кежлö. Куим часын мунöны «Олимпикö» сöвмöдны вынсö, велöдчыны лыйсьыны стöча пасö, вермасьны киöн да мукöдторйö. Игорь öтвылысь ёртъясыскöд пырöдчö спорт ворсöмъясö. Велöдысьяс тшöкыда сёрнитöны колана удж бöрйöм кузя. Сиам зонкалы ыджыд вермöмъяс да кывкутöмöн босьтчыны быдторйö.
Нина Калистратова. Снимок вылын: Игорь Холопов.

Комментарии:

Добавить комментарий

Свежий выпуск: 28 марта

Осторожно — мошенники!