Ягкöджса клуб век тыр йöзöн. Сэнi нуöдлöны оз сöмын гажъяс, но и мыйöкö велöдöны верстьööс да посниясöс. Дас кыкöд во клубöн веськöдлö культуралысь колледж помалысь Елена Александровна Залевская. Быдтор вöчны сяммысь, сiйö и велöдö челядьöс йöктыны, сьывны, лыддьыны кывбуръяс, ворсны. Вермылiсны весиг районлöн тшупöда гажъясын. Уджалö и верстьöкöд — олöмаяслöн «Калинушка» сьылан котыркöд, киподтуя аньяскöд, кодъяслöн кыöм-вöчöмторъясыс гажöдöны шойччан жырлысь пельöс.
Елена Александровналöн юрнуöдöмöн зэв гажаа мунлöны и посёлоклы сиöм гажъяс, паса мукöд лунъяс. Содтам, мый юрнуöдö и асвеськöдлан котырöн. Олöма йöзкöд да томуловкöд быд во петалöны сöстöммöдны посёлок, мичаа вöччöдiсны да пыр лючки кутöны война вылын усьöмъяслы пас.
Гижöд да снимок Галина НЕСТЕРОВАЛÖН.