2016 вося апрельсянь велöдан управлениелöн том йöзкöд уджалан юкöнын медшöр экспертöн Сергей Геннадьевич Васильев. Ачыс Псковысь. Помалiс сэтысь велöдысьясöс дасьтан университет, история велöдысь. Миян республикаö локтiс 2012 воын. Кулöмдiнö локтöдз велöдiс Вочса школаын.
— Аскиа лун том йöз сайын. Та вöсна ёна уджалам накöд. Тöдмöдам миян уджаланiнъяскöд, мед кужисны шыöдчыны отсöгла. Велöдам гижны балаяс, ышöдам восьтны асшöр удж, петкöдчыны ордйысьöмъясын. Ёна пыдди пуктам ас кöсйöмöн уджалöм. Меным зэв долыд, мый 2016 воын «Коми войтыр» чукöртчылöм сиисны том йöзлы. Регыд на чукöртлiм районысь водзмöстчысь 36 том мортöс да велöдiм найöс. Кутам лача, мый найö асланыс выль тöдöмлунъясöн юксясны тöдсаяскöд да унджык том морт лоас кыпалысьöн.
Гижöд да снимок Галина КЛЮЖЕВАЛÖН.