OLYMPUS DIGITAL CAMERA

Иван Николаевич Сенькинöс 1991-öд воын Кулöмдiнса военкомат ыстiс велöдчыны юркарö ДОСААФ-ö. Вит тöлысь мысти босьтiс «В» да «С» категорияа водительлысь право. Сiйö жö вонас мунiс армияö. Во джын Волгоград обласьтса Урюпинск карын велöдiсны военнöй шофёрö, а сэсся во да джын служитiс Вöлöгда обласьтын автомобильнöй батальонын. Армия бöрын уджалiс «Пожегодскöй» совхозын ветеринарнöй отсöг сетан ГАЗ-52 вылын, а сэсся ЗИЛ да ГАЗ-53 вылын ваялiс юркарысь груз. Сы бöрын кöкъямыс во, позьö шуны, эз петавлы УАЗ кабинаысь, лун и вой вöлi туйын. ДОСААФ пыр велöдчис водзö, босьтiс «Д» да «Е» категорияяс. 2010 воын Иван Николаевичöс корисны школаö новлöдлыны автобусöн велöдчысьясöс. Шань, кужö сёрнитны челядькöд, да и найö Иван Николаевичöс радейтöны. Зэв вежавидзысь, нюмыс став шогсö сывдас салонын пукалысьяслысь. Мыйкö кö вунöдiн ли воштiн автобусад — мöд сöлiгкежлö сiйö куйлö нин водитель бокын. Машинасö новлöдлö видзчысьöмöн, тэрмасьтöг, и сiйö век дась петны туйö.
Гижöд да снимок Владимир ШОМЫСОВЛÖН.