Александра Ивановна Касевалöн ичöтдырыс да школаын велöдчöмыс Сыктывкарса университетö пыртöдз колины Зимстанын. Филология юкöн помалöм бöрын дас во чöж вöлi Улыс Вочса шöр школаын велöдöм кузя директорöс вежысьöн. Во уджыштiс Зимстанса челядь керкаын, а сэсся куим во районса велöдан управлениеын специалистöн. 2013-öд восянь босьтчис уджавны районса культура керкаясöн веськöдлысьöн. Александра Ивановналöн дöзьöр улын 35 клуб. Куим воöн лоис вöчöма зэв унатор: вужвыйöн дзоньталiсны квайт культура керка, унаöс могмöдiсны югзьöдан да шы сетан аппаратураöн. Культуралы нэмсö вичмывлiс этшаник сьöм, но веськöдлысь кужöмöн вöдитчö сыöн. Ныриса сяма уджалысьяс вылö. Олöм вылас сылöн выльнога видзöдлас да донъялöм. Кужис котыртны куим морта вурсян цех, и öнi син водзын вежсис творческöй котыръяслöн сцена вылын петкöдчан паськöм, синмö шыбитчанаöсь лоины клубъясöн нуöданторъяс.

Гижöд да снимок Владимир ШОМЫСОВЛÖН.