Ва вежöдан лун

[ A+ ] /[ A- ]

DSC02435 ― Енлы эскысьяслöн медся тöдчана праздникъясысь öти. Районса сикт-посёлокъясын кыпыда пасйисны сiйöс. Тшöтш и Кулöмдiнын. Петыр-Павел вичкоын нуöдiсны служба, сэсся крестöн мунiсны вöвлöм пристань весьтö вöчöм йöрдан дорö. Йöзыс чукöрмылiс уна. Крест мыгöра йöрданысь ва вежöдiс вежа ай Александр. Сы бöрын унаöн мыссисны, аскöдныс дозмукъясö босьтiсны ва. Кöдзыд вылö видзöдтöг повтöм йöз суналiсны юкмöсö. Лыддьöны, вежа ва пö отсалö мынтöдчыны висьöмъясысь да грекъясысь, ёнмöдö мортлысь лов. Мукöд тадзи ёнмöдчöны уна во дорвыв нин. Купайтчысьяслы вежсьöм да шонтысьöм вылö вöлi сувтöдöма палатка. Танi жö дежуритiсны тэрыб отсöг сетан юкöнса, полицияса да ГИМС-са уджалысьяс, медым колiгöн сетны йöзлы отсöг.

Комментарии:

Добавить комментарий

Свежий выпуск: 28 марта

Осторожно — мошенники!