Сентябр 7 лунö Кулöмдiнын мунiсны . Волiсны Сыктывкарысь В.Т.Чисталёв нима культура колледжысь, государственнöй университетысь, Коми республикаса юралысьбердса Ю.А.Спиридонов нима искусствояс гимназияысь, районса школаясысь велöдысьяс да велöдчысьяс да мукöд. Волiсны Петыр-Павел вичкоö, тöдмасисны сылöн важ олöмöн, видзöдлiсны, кыдзи мунöны дзоньтасян уджъяс. Ветлiсны И.С.Рассыхаевлöн, коми мулысь олöм туялысьлöн-гижысьлöн, гу вылö. Вежа ай Александр сьылöдiс гусö. Воöм гöсьтъяс пуктiсны ловъя дзоридзьяс.
Лыддьысьöмъяс мунiсны райадминистрациялöн ыджыд залын. Медшöр сёрниöн вöлi, кыдзи велöдны челядьöс, том йöзöс овны Ен нога, сöстöм, дзоньвидза олöмöн, кыпöдны мывкыдлун, чужан му дорö муслун, ёнмöдны чужан му туялöм да корсьысян уджъяс да с.в. Сёрнитысьяс юксисны асланыс нуöдöм уджöн. Казьтыштлiсны И.С.Рассыхаевöс, петкöдлiсны сы йылысь телеочерк. Татшöм аддзысьлöмсö шуисны нуöдны быд во.
Снимок вылын: Петыр-Павел вичкоö волiгöн.