Декабр 22 лунö пенсия фондлöн районса юкöнын уджалысьяс пасйöны Российскöй Федерацияса пенсия фонд котыртöмсянь 22 во. 30 морта котырöн 6 во веськöдлö С.М.Панюкова. Сылöн веськыд киöн лоö Г.Л.Ерчина. Галина Леонидовна ачыс Архангельск обласьтысь. 1984 воын Архангельскса вöр институт помалöм бöрын локтiс уджавны Усть-Куломскöй леспромхозö. 1995 воын уджысь орöдчытöг помалiс Москваысь финансъяс институт. 1992 восянь 2002 воöдз уджалiс вот инспекцияын. Пенсия фондлöн районса юкöнын 2002 восянь. 2006 восянь веськöдлö пенсияяс индöм, выльысь арталöм да мынтöм кузя юкöнöн, лоö С.М.Панюковаöс вежысьöн.