Марина Владимировна Есева бурдöдö челядьöс 85 восянь. 2002 восянь челядьöс бурдöдысь фтизиатр. Тöждысьö, медым висьöм эз паськав, корö видзчысьны сыысь, тöдмавны сы йылысь кыдз позьö водзджык.
— Туберкулёзлы паныд прививка медводдзаысь вöчам, кор кагаяслы сöмын арöс. Кольöм воын шымыртiм татшöм арлыда став челядьысь 98,6 процент. Мöд прививка вöчам сизим арöсöн. 15 арöссянь 18 арöсöдз нöшта и флюорография. Видзöдлiм дзик став челядьöс. 2013 воын кö туберкулёз эг казялöй, то кольöм воын öти висьысь сюрис, öн висьöмыс лöньыштiс, — сёрнитiс М.В.Есева.

Бать-мамлы колö кывзысьны врачьяслысь да фельдшеръяслысь: ыстiсны кö челядьсö фтизиатр дорö, то колö мунны. Челядьöс ёнмöдöм-бурдöдöм могысь М.В.Есева дон босьттöг мöдöдö Кöрткерöсса, Койгортса да Сыктывкарса санаторийясö, кöнi дзоньвидзалун вöсна тöждысьöны во гöгöр чöж.
Гижöд да снимок
Марина Дадашовалон.