Кебанъёльысь Зинаида Борисовна Полиевскаялы тайö воыс тöдчана сiйöн, мый пасйис кык пöвста юбилей. Öти-кö, тырис комын во, кыдзи уджалö Кулöмдiнын пинь пукталанiнын техникöн. Босьтчылiс Сыктывкарса медучилище помалöм бöрын. Томиник нывкаöн локтiс уджавны шöр бурдöдчанiнлöн улыс поликлиникаö на, кöнi меститчис пинь пукталан жыр. Опытаджык уджъёртъяс отсöгöн вочасöн пырöдчис уджö. Талун ачыс нин туйдö-велöдö том специалистъясöс. Нимкодь сыысь, мый уджыс колана, öд пинь пуктавны окотитысь пыр уна, волöны район пасьтаысь. Лов кыптö и налысь жырсö вужвыйöн дзоньталöмысь, оборудование выльмöдöмысь ― таысь нöшта бура мунö уджыс. Зинаида Борисовна уджалö кадöн артасьтöг, пыр мунö йöзлы воча. Эз весьшöрö уджын нырччöмсö пасйыны районса юралысьлöн почёт грамотаöн.
Аньлöн мöд кыпыд лоöмтор ― регыд на пасйис нэм джынся юбилей.