Кулöмдiнса поликлиникаын воссис да уджалö висьöмъяс öлöдан юкöн, кытчö позьö волыны ставлы. Морт кöть оз лябсьы нинöм вылö, висьöм сiйöс кыйöдö. Танi позьö тöдмавны сьöкта — абу-ö сiйö коланаысь унджык либö этшаджык, а сiдзжö давление да мукöдтор. Нёрпалöм бурджык эрдöдны ас кадö.

— Государство талун сетö ыджыд тöдчанлун йöзлысь висьöмъяс öлöдöмлы, — висьталiс юкöнса врач Станислав Васильевич Коюшев. — Мöдöд во нин нуöдам диспансеризация. Быд мортлы колö волыны куим во пиын öтчыд, тайö сетö позянлун ас кадö казявны висьöмъяс. Кольöм воын эрдöдiм матö 80 мортлысь пыкöса висьöм. Эз кö петкöдчывны специалистъяслы, эськö мыйöн на и помасис. Налы колö петкöдчыны тшöкыдджыка. Отсалас миян юкöн.
Юкöн медся нин кивыв пенсионеръяслы, гортын олысьяслы, уджтöмалысьяслы, а сiдзжö сэтшöм котыръясын уджалысьяслы, кöнi оз нуöдны профосмотръяс. Врач С.В.Коюшев кындзи виччысьöны медсестраяс Валентина Ивановна Шебырева да Наталья Николаевна Попова. Жырйö локтысьяслы медводз колö шыöдчыны регистратураö.
Галина НЕСТЕРОВА.
Гижысьлöн снимок вылын: С.В.Коюшев, Н.Н.Попова да В.И.Шебырева.