Зимстанысь Нина Степановна Лодыгина 1992 восянь социальнöй уджалысь. Могмöдö Зимстанысь, Лöгинъягысь, Фроловскысь да Климовскысь тылын уджалысьясöс, уджвывса ветеранъясöс, пенсионеръясöс, вермытöмъясöс, уна челядя, лёк оласнога да судзсьытöма олысь семьяясöс, Чернобыльын, Афганистанын да Чечняын вöвлöмъясöс.

Найö шыöдчылöны сы дорö асланыс могъясöн, торйöн нин тшöкыда документъяс чукöртöмöн. Олöмаяс да вермытöмъяс дорö ветлывлö и ачыс. Кывкутысь мортöс пыдди пуктöны öтув уджалысьяс да посёлоксаяс.
Нина Степановна петкöдчылiс социальнöй уджалысьяслöн конкурсын, лоис коймöдöн. Уна вося бур уджысь вичмöдiсны йöзöс социальнöя доръян агентстволысь да управлениелысь, районса администрациялысь почёт грамотаяс да аттьöалан гижöдъяс.
Радейтö сьывны. 15 во нин «Зимстаночка» сьылан котырын. Гажöдöны кыдзи посёлоксаöс, сiдзи и орчча сиктъяссаöс.
Галина Нестерова.