Иван Иванович Тарабукин (снимок вылын) районса электрическöй сетьясын уджалö 30 во. Босьтчылiс дежуритысь электромонтёрöн. Сэки вöлi Сыктывдiн районса Кулöмдiн участок. 1999 восянь диспетчер. Велöдчис Ухтаын курсъяс вылын, быд вит во мысти содтö тöдöмлунъяс. Быд во сдайтö удж кузя экзамен. Юалöмыс уна, сьöкыд. Он кö вермы вочавидзны, сетöны нöшта кад велöдыштны. Но Иван Ивановичлöн татшöмыс эз вöвлы ни öтчыдысь: пыр сдайтлiс экзамен бура.
Диспетчерлöн удж сьöкыд, кывкутана. Öд сы сайын тшöтш, мед гöгöр вöлi би, а неминучаяс дырйи öдйö сiйöс бырöдiсны. Иван Ивановичлы уна вося бур уджысь сетiсны «Коми республикаса пыдди пуктана энергетик» ним да морöсвывса пас.