Öдвакö кодкö вермас вензьыны история кузя тöдöмлунöн. Водзтi кö бать-мамыс нöбйöн ваялiсны библиотекаясысь книгаяс, ньöбалiсны, öнi найöс вежö компьютер. 2011 восянь Антон, чужöмсянь вермытöм, республикаса велöдан шöрин пыр торъя технология серти сюся велöдчö компьютер отсöгöн. История кузя ставроссияса олимпиада кежлö ачыс корсьысис став юöрсö. 250 морт пöвстын лоис вермысьöн, а öд пырöдчисны лицейясын да гимназияясын велöдчысьяс. Велöдчö квайтöд классын. Кольöм велöдчан воын зонка лоис мöдöн природоведение кузя олимпиадаын, «Мамлы талисман» конкурсын. Водзтi гижлiс висьтъяс да мойдъяс, кодъяс веськавлiсны челядьлöн уджъяса сборникö. Öнi босьтчис романö, кöнi петкöдлö важ олöм, ныв вöсна тышкасьöм, бал, радейтчöм, колльöдчöм да с.в.
Гижöд да снимок
Марина ДАДАШОВАЛÖН.