Тырö 25 во, кыдзи Афганистанысь петкöдiсны сöветскöй войскаöс. Интернациональнöй мог олöмö пöртысьяс пиысь унаöн пуктiсны юр ылi муын. Но уналы сiдзжö усис шуд бергöдчыны гортö. На лыдын юрсиктса олысь Михаил Александрович Паршуков. Армияö мунтöдз военкомат пыр велöдчис чеччавны парашютöн. 1979 воын веськалiс Витебскса десантнöй полкö. Ноябр сизимöд лунö сёр рытын кыпöдiсны тревога серти, пуксьöдiсны самолётö да вайисны Саратов десантнöй штурмöвöй батальонö. Велöдчöм бöрын нуисны Кабулö. «Альфа» котыркöд мездiс Афганистанса президент Аминлысь двореч, сэсся во да джын на водзсасис душманъяскöд. Öтчыд машина вылын мунiгöн веськалiсны мина вылö. Ёна доймалiсны кокъясыс. Бурдöдiсны госпитальясын куим тöлысь чöж. Гортас воöм бöрын куим во бурдöдчис районса больничаын.
Повтöм мортöс пасйисны «От благодарного афганского народа» да Афганистанысь сöветскöй войскаöс петкöдöмсянь тшупöда пасъяс кежлö лэдзöм юбилейнöй медальясöн.
Гижöд да снимок
Марина ДАДАШОВАЛÖН.