Велöдысь, туйдысь, бур сьöлöма мам, сиктын пыдди пуктана морт, гудöкасьысь, мича да шуда ань Ия Семёновна Игнатова. Неважöн сылöн вöлiс тшупöда пас. 85 арöс кö, сідзкö, став сьöкыд воясыс сылы сюрисны челядьдырсяньыс. Ыджыд тыш дырйи олöм, Айму дорйöм бöрын став мытшöдыс. Сідз шусяна «Дети войны» ним.

Чужис Ия Семёновна Тима Педöрын 1940–öд вося январ 28–öд лунö. 10 класс помалöм бöрся öти во уджалiс Помöсдінса райисполкомын машинисткаöн.
Во мысти мунiс велöдчыны Сыктывкарса педучилищеö. Велöдчöм помалöм бöрся Ия Семёновна локтiс ас районö, кык во уджалiс Ярашъюын, петiс верöс сайö. Верöсыс нуис Воркутаö, кöні Ия Семёновна велöдiс куим во. Игнатовъяс сэсся локтiсны Помöсдінö. Ичöт класса велöдысь медводз уджалiс Выльгортын, а сэсся Помöсдінса школаын.

Ия Семёновна ставнас челядькöд уджалiс 47 во гöгöр. Сетіс тöдöмлунъяс ичöт классъяслы и роч кыв нуöдіс ыджыдджык классъясын нин, и продлёнкаын уджаліс уна во. Бура уджалöмысь Ия Семёновналы сетісны «Отличник народного образования РФ» ним да уна почёт грамота…
Водзö лыддьöй февраль 14- öд лунся газетысь.

Жанна Сизева.
Снимок Надежда Артеевалöн чукöртöмысь.