Миян радейтана газет лист бок вывсянь ме кöсъя тöдмöдны лыддьысьысьясöс пыдди пуктана анькöд, велöдысь ветеран Манефа Изосимовна Савицкенекöд. Август коймöд лунö сылы тырис 90 арöс. Татшöм ыджыд юбилей, абу быдöнлы шуöма пасйыны татшöм почёт кадпас. Ми аддзысим юбиляршакöд сылöн гортас, сёрнитім кык часысь дырджык, и со мый висьталіс ас йывсьыс Манефа Изосимовна.

 Манефа Изосимовна челядькöд уджалiс 42 во. Бур уджысь эм уна почёт грамота, сетiсны «Отличник народного просвещения» пас. Том дырйиыс пырöдчис художественнöй самодеятельносьтö, петкöдчылісны концертъясöн, велöдчис вышивайтчыны, кысьыны. А öні лов кыпöдана уджыс — дзоридзьяс. Радейтö быдтыны да дöзьöритны, вöдитö и град выв пуктасъяс. Олöма аньöс ыджыд тöждöн кытшалöны челядьыс, наысь оз кольччыны и внукъясыс…
Водзö лыддьöй август 2-öд лунся газетысь.
Нина Плескач.
Снимокъяс гижысьлöн.