Михаил Иванович да Вера Александровна Поповъяс öтув лада олöны нин 48 во. Нывбаба чужис Печора юдорса Изьва районлöн Щельяюр посёлокын. Школа бöрын Сыктывкарын велöдчис штукатур-малярö, юркарын жö корсис удж.

 Том кад колис гажаа. Бур уджысь Вера Александровнаöс нывъёртъясыскöд тшöкыда пасйылiсны газет лист бокъясö. Öтчыд гожöмын тöдса ань корис сiйöс шойччыны Дереваннöйö. Эжва ю пöлöн кыр йылын нюжöдчöм сикт нывкалы вöлi тöдса нин — студенталiгöн арнас волiс керны картупель. Сэки нин Дереваннöй сикт воис сьöлöм вылас, да нывъёртыслы эз бöрыньт. Медводдза лунас и тöдмасисны аскиа верöсыскöд. Михаил Иванович ичöтсянь кыйсис-вöралiс да карысь воöм гöсьтъясöс корис вуграсьны войколöн. Сэки, гашкö и, мусмисны öта-мöдныслы ныла-зонма. Отпуск помасьöм бöрын нывъяс лэччисны бöр. А Михаил Ивановичлöн син водзас сулалiс сьöлöм вöрзьöдысь мича роч ныв, да гижис письмö, Вера Александровна вочавидзис. Письмö бöрся письмö, гöгöрвоисны, мый оз нин вермыны öта-мöдныстöг…
Водзö лыддьöй март 28-öд лунся газетысь.
Татьяна Чувьюрова.
 Снимок гижысьлöн.