Районын талун матö быд сикт-посёлокын нин эмöсь асвеськöдлан котыръяс, кодъяс ыджыд пай пуктöны ас сиктсаясыслысь олöмсö бурмöдöмö, позянлунъяс серти мытшöдъяс бырöдöмö. Кыдзи и Тимшерса татшöм асвеськöдлан котыр, коді артмис, позьö шуны, районын медводдзаяс лыдын, и öні декабрын сэсянь лоас дас во нин.

И сійöс котыртöмын водзмöстчис Галина Николаевна Паршукова, ветеранъяслöн сэтчöс котырöн веськöдлысь. Сылы, кыдз Тимшерса вöвлöм юралысьлы, бура тöдсаöсь посёлокса тöждъясыс да могъясыс, сы вöсна, кор лоис позянлун государстволöн да фондъяс отсöгöн кыдзкö бурджыкöн да кыпыдджыкöн вöчны посёлоксö, эз коль веськöдьöн, сюртчис, медым артмöдны асвеськöдлан котырсö. И талунöдз пыр на юрнуöдö сійöн.

Тайö кадöн котырыс олöмö пöртіс социальнöй тöдчанлуна 19 бала 4551243 шайт вылö. Талун уджалö «Неугасимая память поколений» нима кызьöд бала вылын. Асвеськöдлан котыр петкöдчыліс район, республика да федерация тшупöда конкурсъясын балаясöн, кодъяс медсясö йитчöмаöсь посёлок мичмöдöм-бурмöдöмкöд, дзоньвидза олöмö йöзöс ышöдöмкöд, культура сöвмöдöмкöд, олöмаяслы социальнöй отсöг сетöмкöд, важ олöмлысь паметь видзöмкöд.

Топыда уджалö овмöдчöминса администрациякöд, посёлокса юралыськöд, кодкöд öтув бöрйöны могсö, кутшöм удж бергöдны, öтув дасьтöны баласö да помöдз олöмö пöртöны сійöс. Öтув зільö и культура юкöнын да библиотекаын уджалысьяскöд, тшöтш и посёлокса водзмöстчысь мукöд йöзкöд…
Водзö лыддьöй декабр 19-öд лунся газетысь.
Галина Нестерова.
Снимокъяс Галина Паршуковалöн.